galego | español
texto grande
buscar

Noticias

Benestar Social

xoves, 9 de agosto de 2018
"A Xunta de Galicia continúa freando o Centro de Día do Grove"

A enorme listaxe de informes solicitados para a confirmación do Plan Especial, preciso para poñer en marcha a construción desta infraestrutura, séguese confirmando como innecesario.

 

A Xunta de Galicia respondeu á solicitude do Concello do Grove de aprobación do Plan Especial do Centro de Día e Centro de Saúde case ao límite do prazo dispoñible para que se pronunciase, esixindo unha inxente listaxe de informes sectoriais, permisos e documentación. Trátase de documentos innecesarios, como se vén demostrando, que o único que están conseguindo é alongar os prazos para que se poida comezar coa construción do Centro de Día, unha das infraestruturas máis necesarias para a localidade.

 

Ademais de solicitar un informe sobre o POL (elemento que fora posto como desculpa polo Partido Popular no anterior mandato para botar abaixo o Plan Especial) que foi respondido indicando a non necesidade deste, esta semana o Concello acaba de recibir a comunicación de Costas –a Xunta tamén esixía este informe– no que se indica que “la actuación se ubica fuera del dominio público maritimo-terrestre”, feito que calquera persoa podía coñecer e que o “Servicio de Costas nada tiene que objetar a la realización de dicha obra”.

 

Deste xeito, a Xunta de Galicia ten somerxendo ao Concello do Grove nun burato administrativo que o único que está conseguindo é frear a construción dunha infraestrutura para a que xa se dispón de terreos e financiamento, sendo este na súa totalidade por conta do Concello do Grove. Desde o Concello do Grove esíxeselle á Xunta que acelere os trámites e tome conciencia do prexuízo que está a provocar nos veciños e veciñas do Grove a utilización política da Administración autonómica.

axenda

calendario
mes anterior agosto | 18 mes próximo
LMMXVSD
12345
6789101112
13141516171819
20212223242526
2728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss