galego | español
texto grande
buscar

Noticias

Emprego e Desenvolvemento Local

mércores, 6 de febreiro de 2019
"O Obradoiro de Hostalería marca un novo cuadrimestre de colaboracións"

 

O alumnado do Obradoiro ten participado en numerosos eventos e actividades amosando o seu bo facer e preparación.

 

O Obradoiro de Hostalería do Concello do Grove ten marcado unha metodoloxía clara de carácter práctico e participativo. Deste xeito, como xa se vén observando no primeiro cuadrimestre, os alumnos e alumnas deste obradoiro teñen participado de xeito activo e desde un perspectiva totalmente profesional en numerosas actividades e eventos organizados polo Concello e por colectivos sociais da localidade.

 

Do mesmo xeito, xa no segundo cuadrimestre seguirán as propostas nesta liña. Deste xeito o vindeiro martes, 12 de febreiro, os estudantes en formación poderán participar nunha Master Class co gañador do 3º Premio do Concurso de Mexillón Amegrove, que se celebrou na pasada Festa do Marisco. Rubén García é tamén gañador do “Mandil de Ouro da Feira de Tapas de Vilagarcía” e, por segundo ano consecutivo, da “Festa da Ameixa de Carril”. A súa sesión centrarase, precisamente, na posta en valor do mexillón do Grove.

 

Co obxectivo posto na promoción co mexillón, estableceuse unha colaboración directa coa cooperativa Amegrove que, xunto con Emgrobes, están traballando na proposta dunhas Xornadas Gastronómicas específicas para este marisco.

 

Ademais da colaboración con estas entidades, tamén se estableceu outra liña de traballo cos conserveiras locais e os alumnos e alumnas xa están poñendo en marcha proxectos de I D para o desenvolvemento de novas salsas para as liñas de Isabel e Cuca da empresa Conservas Isabel.

 

Debemos indicar, ademais, que desde o Obradoiro se está traballando para realizar actividades relacionadas coa gastronomía do Entroido que se incluirán na programación desta importante festa local.

axenda

calendario
mes anterior abril | 19 mes próximo
LMMXVSD
1234567
891011121314
15161718192021
22232425262728
2930

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss