galego | español
texto grande
buscar

O comercio local do Grove está artellado nun centro comercial aberto, De Tendas, que ofrece unha ampla gama de produtos nun contorno urbano ideal para pasear e mercar.

 

Variedade, calidade de produtos, establecementos próximos e profesionalidade. O Centro Comercial Aberto De Tendas é un proxecto levado a cabo polo empresariado local e a asociación de comerciantes Emgrobes, en colaboración con diversas institucións, tales como a Consellería de Industria da Xunta de Galicia e o propio Concello do Grove, que traballaron para acadar este proxecto de urbanismo comercial, unificar os medios de pagamento e potenciar a fidelización da clientela.

 

O CCA De Tendas enténdese como a agrupación de establecementos comerciais, hostaleiros e doutras actividades que ofrecen cada día o mellor de si mesmos para encher de vitalidade e dinamismo a nosa vila, unidos nunha organización e baixo unha marca que pretende desenvolver accións e servizos que beneficien o asociado é o consumidor final.

 

Xorde como reacción ante a proliferación de centros comerciais pechados e grandes superficies e ante o cambio producido nos hábitos de compra dos consumidores e consumidoras.

 

O obxectivo prioritario do Centro Comercial Aberto De Tendas é o de converterse nun polo de atracción comercial e de servizos complementarios, tanto do Grove como da súa área de influencia, promovendo a variada oferta turística da vila, así como o perfecto funcionamento dos servizos prestados polas empresas acollidas baixo o seu seo.

 

Na actualidade, o CCA De Tendas está composto por máis dun cento de establecementos onde se poden atopar os máis diversos artigos e servizos. Neles ofrécese modernidade, diversidade, atención personalizada, unha relación calidade-prezo inmellorable e o compromiso de verdadeiros profesionais. Ademais desenvolve promocións e campañas periódicas, sorteos, animación e outras moitas actividades.

axenda

calendario
mes anterior setembro | 17 mes próximo
LMMXVSD
123
45678910
11121314151617
18192021222324
252627282930

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss