galego | español
texto grande
buscar

Noticias

Turismo

xoves, 31 de agosto de 2017
"A Festa do Marisco presentarase en Barcelona da man de Eurostars"

O vindeiro 15 de setembro terá lugar a presentación nacional da LIV edición da Festa do Marisco na Cidade Condal.

 

Dentro das actividades de promoción que o Concello do Grove realiza para dar a coñecer a Festa do Marisco e O Grove como destino turístico, desde hai xa varios anos tense realizado unha presentación en territorio nacional dirixida a público especializado. Nesta ocasión e grazas á colaboración da cadea Eurostars a presentación terá lugar o vindeiro 15 de setembro no Hotel Eurostars Gran Marina de Barcelona, onde ao redor de 100 xornalistas e personalidades participarán dunha presentación do produto do Grove, dando a coñecer a cita gastronómica máis importante de España.

 

Debe destacarse que se elaborou un menú baseado no produto local, que será trasladado para a ocasión desde O Grove e preparado en Barcelona polos chefs de Eurostars. Durante a presentación informarase aos asistentes da programación prevista para esta edición da Festa do Marisco ademais de facilitar o material promocional que presenta ao Grove como un destino de proximidade durante todo o ano. Para tal efecto elaboráronse materiais en catalán e preparáronse dossiers de prensa que pretenden conseguir unha adecuada repercusión do evento. 

 

Amegrove

 

Tamén é subliñable a total colaboración da Cooperativa Amegrove, quen contribuirá co seu produto de alta calidade, facendo así fincapé na especificidade do marisco do Grove, outro dos obxectivos das presentacións que realiza o Concello do Grove.

 

axenda

calendario
mes anterior setembro | 17 mes próximo
LMMXVSD
123
45678910
11121314151617
18192021222324
252627282930

noticias

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss