A Deputación de Pontevedra ven de concederlle ao Concello do Grove unha  subvención para a contratación de 19 persoas desempregadas inscritas no servicio público de emprego, sempre respetando a preferencia na contratación dos colectivos mais desfavorecidos, a través da Liña 3 Emprego, dentro do Plan Concellos 2023.

As 19 persoas corresponden a 6 peóns de obras públicas, 5 peóns forestais, 2 peóns de xardinería, 2 condutores, 2 auxiliares administrativos, 2 animadores socioculturais. Todos con contrato por 6 meses a xornada completa.

As ofertas tramitaranse a través da oficina de emprego do Servizo Público de Emprego, polo tanto as persoas interesadas deben inscribirse na Oficina de Emprego de Cambados nos códigos dos postos que se indican no cadro ao pé de páxina ata o 16 de febreiro.

As persoas contratadas veñen a reforzar os servizos municipais para execución de diversas obras e servizos de recuperación de zonas degradas, traballos recuperación mobiliario urbano, espazos forestais, mellora no servizos administrativos e culturais Tanto na zona urbana como rural.

OCUPACIÓNS

Requisitos de acceso específicos para cada posto:

-6 peóns de obras públicas duración contrato 6 meses a xornada completa.

-5  peóns forestais duración contrato 6 meses xornada completa prioritariamente con formación no ámbito forestal, prevención de riscos específico na ocupación.

-2 peóns xardinaría duración contrato 6 meses xornada completa prioritariamente con formación no ámbito da xardinaría, ciclos de F.P. ou certificado de profesionalidade na ocupación.

-2 condutores/as camión duración contrato 6 meses xornada completa con carné de conducir C e CAP en vigor.

-2 auxiliares administrativos/as duración contrato 6 meses xornada completa, formación mínima en Ciclo Medio en Xestión Administrativa ou FP1.

-2 animadores/as socioculturais duración contrato 6 meses xornada completa, prioritariamente con formación mínima monitor/a de tempo libre