galego | español
texto grande
buscar

Noticias

Cultura

luns, 5 de abril de 2021
"O CONCELLO DO GROVE CONVOCA A XXVIII EDICIÓN DO PREMIO DE NOVELA CURTA MANUEL LUEIRO REY"

 

O prazo para a presentación dos traballos remata o 15 de setembro de 2021.

 

Esta semana comezaranse a distribuír as bases por toda a xeografía galega: concellos, bibliotecas, casas de cultura, institutos de ensinanza secundaria, asociacións de escritoras e escritores en lingua galega, editoriais, medios de comunicación… O Premio de Novela Curta Manuel Lueiro Rey é un certame literario convocado polo Concello do Grove desde 1992 que conta coa colaboración da Deputación de Pontevedra. 

 

O obxectivo da convocatoria é honrar a vida e a obra do escritor e xornalista e, asemade, coadxuvar na promoción da escrita en galego e na divulgación dos seus autores. O premio está dotado con 3.000 euros e a publicación da obra gañadora por Edicións Xerais de Galicia.

 

Poderá concorrer ao premio calquera persoa física que presente o seu texto en lingua galega. As bases establecen como prazo límite de presentación dos traballos o 15 de setembro. Os textos han ter unha extensión mínima de cincuenta páxinas e máxima de cen, en folio din A4, de dous mil cincocentos caracteres cada páxina, aproximadamente, espazamento entre liñas de 1,5 e as follas deberán de estar paxinadas.

 

O xurado estará composto por cinco persoas, unha delas será o gañador da XXVII edición do premio, Manuel Antonio Piñeiro Fernández, pola obra Trávelin, e os outros catro compoñentes serán especialistas en literatura e crítica literaria. O premio único outorgarase por maioría simple de votos.

Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss