galego | español
texto grande
buscar

Noticias

Cultura

martes, 11 de maio de 2021
"O CONCELLO DO GROVE CELEBRA O DÍA DAS LETRAS GALEGAS CON DIFERENTES ACTIVIDADES DIRIXIDAS A DIVERSOS PÚBLICOS"
foto

O Concello do Grove ofrecerá durante os próximos días varias propostas para celebrar o día das Letras Galegas 2021.

O venres 14 de maio a partir das 18.00 h Raquel Queizás achegará ata a Biblioteca do Grove o espectáculo de narración oral “Arredor de Xela”, unha homenaxe á vida e obra e Xela Arias para coñecela mellor e entreter cos seus versos. O espectáculo vai dirixido a público infantil e familiar e, para asistir, é necesaria inscrición previa na biblioteca, no tfno. 986 732 341, no e-mail biblioteca@concellodogrove.es ou polas Redes sociais da biblioteca.

0 luns 17 de maio, a partir das 18.00 h ofrecerase unha pasacalles a cargo da Asociación Cultural Paradanda Mecos, que amenizará as rúas do Grove con música tradicional galega.

O mesmo luns 17 de maio, a partir das 19.00 h, ofrecerase en streaming a través das Redes Sociais de Cultura, un acto a cargo do grupo musical Onte e Hoxe presentado pola cantante e reporteira da TVG Fátima Prego e que intercalará cancións interpretadas polo grupo coa intervención de persoas vinculadas á cultura galega: o actor Luís Iglesia, o director de Edicións Xerais Francisco Alonso, a estudante de Filoloxía Galega Mariña Area e o profesor e compoñente de Migallas Teatro Carlos Yus.

Xa o 20 de maio, a partir das 10.00 h, a agrupación local Xarope Tulú achegará ata a biblioteca municipal do Grove o seu espectáculo “De ti e mailo mundo que apañes” dirixido a público adulto.

“De ti e mailo mundo que apañes” pretende ser un humilde percorrido pola obra da poeta, tradutora e editora Xela Arias, un percorrido que nada ten de cronolóxico pero moito de persoal, co que a nós se refire. un espectáculo que combina a narración oral con outras linguaxes escénicas. Esta proposta tenta facer un breve percorrido pola obra da poeta Xela Arias, somerxendo o público tanto na súa poesía como na súa breve pero interesante obra narrativa. Xela, a poeta que ten máis de actual que de histórica.

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss