Comercio

O mercado municipal da praza de abastos sitúase na praza do Corgo, compartindo edificio coa lonxa de pesca de baixura, o que posibilita que cheguen a el os peixes e os mariscos máis frescos da ría de Arousa.

Pero tamén podemos atopar nela as mellores hortalizas e verduras da comarca do Salnés, queixos con denominación de orixe, bacallau, conxelados, tenreira galega, pan artesán, pan de millo, empanadas e unha longa listaxe de produtos que levan o sabor de Galicia en cada bocado.

Nun total de 25 postos de peixe e mariscos, 18 de froitas e verduras, 1 de conxelados e 5 carnicerías desenvólvese a grande oferta comercial deste mercado, que é o principal abastecedor de produtos frescos do noso concello.

Webcam en Directo

axenda