Educación

Educación de persoas adultas

O Concello do Grove pon en funcionamento no curso 2011-2012 un novo programa de educación de persoas adultas, que substitúe o anterior, e que se centrará nunha liña de axudas económicas que están destinadas a incentivar que as persoas maiores de 18 anos acaden un título.

Estas axudas para o estudo estarán destinadas a aquelas persoas que superen con éxito as probas oficiais para a consecución do título de graduado en educación secundaria obrigatoria no centro de Educación Permanente de Adultos (EPA) de Pontevedra, tal e como se viña facendo ata o de agora.

As axudas outorgaranse unha vez que o alumno ou a alumna acade o título, independentemente da convocatoria que sexa, e permitirán sufragar os gastos de asistencia a unha academia local durante o cuadrimestre que dura a preparación de cada módulo. Os únicos requisitos que se solicitarán serán, ademais de superar con éxito os módulos, non superar uns ingresos máximos, estar empadroado ou empadroada no Grove e presentar as facturas da academia local de catro meses por módulo superado. O curso ten unha duración de oito meses e está estruturado en dous cuadrimestres, de novembro a febreiro e de marzo a xuño, nos que se atenden os catro cursos da educación secundaria de adultos (ESA).

Para presentarse ás probas non é preciso acudir previamente ás clases, senón que os exames poden prepararse por libre. Pero se para o alumnado é máis doado recibir unhas clases de apoio, as axudas pretenden cubrir esa necesidade.

Bases polas que se rexerán as axudas para incentivar a obtención do graduado en ESO de persoas adultas 2012 

Convocatoria de probas libres Educación para Adultos 2013