Documentación e Patrimonio

COÑECENDO E GOZANDO DA BILBIOTECA

Obxectivos

• Experimentar a biblioteca como un entorno máxico de encontro cos libros e con outros nenos e nenas
• Establecer un primeiro contacto cos libros dunha maneira lúdica, facilitando o xogo
• Desenvolver hábitos básicos de comportamento na biblioteca
• Recoñecer o uso da biblioteca como un lugar para buscar información
• Crear un clima ameno, positivo, lúdico e favorable cara á lectura
• Iniciar os nenos e as nenas na metodoloxía bibliotecaria
• Espertar a imaxinación e a creatividade mediante os recursos que ofrece a lectura

Poboación destinataria

Alumnado de 5 a 10 anos

Descrición da actividade

Conxunto de actividades ou actuacións de carácter pedagóxico que pretende acadar a máxima utilización das posibilidades informativas das bibliotecas, a través de obradoiros lúdicos que buscar espertar o interese do neno pola lectura, ben a través de animacións, de xogos ou manualidades de acorde coas idades de cada grupo.

Horario

Xoves de novembro a maio. O alumnado estará divididos en grupos de sesións dunha hora e media cada un e segundo as idades.

Lugar

Biblioteca Municipal Manuel Lueiro Rey

Prezos

15 euros de matrícula (por gastos de xestión e contratación dunha póliza de responsabilidade civil para cada neno/a).

5 euros ao mes (para materiais para as actividades).

Inscricións

Faranse durante o mes de outubro nas oficinas municipais, en horario de mañá ou os luns e martes de 18:00 a 20:00 horas.

BEBETECAS

Obxectivos

• Iniciar o neno no coñecemento dos libros e as bibliotecas.
• Involucrar aos adultos neste proceso.
• Que os nenos e nenas xunto cos seus pais e nais se acostumen a vir á biblioteca.
• Axudar os usuarios a adquiriren hábitos de comportamento tales como manter a orde, escoitar con atención, gardar os libros, ter as mans limpas cando se le...
• Favorecer que os usuarios se relacionen con nenos, mozos e adultos doutros ámbitos culturais

Poboación destinataria

Nenos e nenas de 0 a 6 anos

Descrición da actividade

Pais e fillos deben atopar na biblioteca outra forma de xogar e estimular a creatividade e a intelixencia. A través das bebetecas pódense desenvolver experiencias de estimulación temperá coa lectura, nas que os pais e as nais axudan os nenos e nenas a adquiriren e desenvolveren habilidades motoras, cognoscitivas e socio-afectivas; observando ao mesmo tempo cambios no seu desenvolvemento.

O persoal da biblioteca procurará orientar os pais e nais sobre os libros axeitados para levaren á casa e "lelos" xuntos. Tamén se organizarán conferencias, coloquios e mesas redondas.

Horario

O horario de apertura da bebeteca será o mesmo que o da biblioteca.

Lugar

Casa da Cultura Manuel Lueiro Rey

LUDOTECAS ITINERANTES

Obxectivos

• Fomentar actitudes de busca, creatividade e desenvolvemento da imaxinación a través de xogos, xoguetes e talleres.
• Favorecer, a partir do xogo, o seu desenvolvemento social, afectivo, intelectual e físico.
• Propiciar formas positivas de comunicación entre o grupo e de idades similares.
• Ampliar a oferta de actividades lúdicas fóra do horario escolar.

Poboación destinataria

Nenos e nenas de 3 a 9 anos, divididos en dous grupos, segundo o tramo de idade.

Descrición

Obradoiros de creatividade e manualidades; sesións de xogos alternativos e psicomotrices; cancións e danzas...

Datas

Desenvolveranse entre xaneiro e xuño, unha hora e media á semana por grupo.

Horario

Venres: Casa da Cultura de San Vicente

Sábados: Casa da Cultura Manuel Lueiro Rey

Prezo

15 euros de matrícula (por gastos de xestión e contratación dunha póliza de responsabilidade civil de cada neno e nena).

10 euros por mes

Inscrición

Abrirase en decembro nas oficinas municipais, en horario de mañá ou os luns e martes de 18:00 a 20.00 horas.

Estas actividades realízanse coa colaboración da Concellería de Educación