Seguridade

O Corpo da Policía Local do Grove, dependente da Concellería de Deportes, Seguridade Policía Local e Emerxencias, ten como misión principal velar pola seguridade pública.

FUNCIÓNS

Unha das funcións máis importantes dun Concello é a de resolver os problemas derivados do tráfico viario, o medio ambiente, a seguridade cidadá, os conflitos privados e as situacións de risco ou emerxencia. A solución destes problemas canalízase a través da Policía Local, que, xa que logo, ten entre as súas funcións as seguintes:

• Ordenar, sinalizar e dirixir o tráfico no núcleo urbano.
• Instruír os atestados correspondentes aos accidentes de tráfico ocorridos dentro do termo municipal.
• Instruír os expedientes sancionadores en materia de tráfico.
• Prestar auxilio en caso de accidente, catástrofe ou calamidade pública, participando nas tarefas de protección civil.
• Previr a comisión de actos delituosos, mediante unha efectiva vixilancia das rúas, prazas e lugares do municipio.
• Cooperar na resolución de conflitos privados.
• Vixiar e custodiar os edificios e instalacións municipais.
• Realizar informes de convivencia, de solicitudes de vao e ocupación da vía pública, localización e precinto de vehículos, actividades industriais, etcétera.
• Auxiliar a Policía Xudicial.

Ademais destas funcións propias do servizo, desde a Policía Local realízanse ao cabo de ano numerosas actividades de información para diversos colectivos, pero especialmente para a poboación escolar do municipio.

CAMPAÑAS DA POLICÍA LOCAL

• Control de velocidade
• Control de ruídos
• Utilización do casco protector
• Cinto de seguridade
• Control de ciclomotores
• Outras

ORDENANZAS E REGULAMENTOS MUNICIPAIS

• Ordenanza de protección contra a contaminación acústica
• Ordenanza de limpeza e medio ambiente
• Ordenanza tráfico e seguridade viaria
• Regulamento de mercados
• Ordenanza municipal para a protección e tenencia de animais

CONTACTO