galego | español
texto grande
buscar

Noticias

martes, 13 de febreiro de 2024
"Concurso de Fotografía polo Día Internacional das Mulleres"

A Concellería de Igualdade do Concello do Grove convoca a edición décimo terceira do Concurso de Fotografía polo Día Internacional das Mulleres. Como en anos anteriores, para participar deberanse presentar imaxes que reflictan o facer das mulleres nos diferentes eidos da vida (social, laboral, político, artístico, creativo, de ocio...).

A este certame poderá inscribirse toda persoa maior de idade que o desexe, sexa profesional ou afeccionada, presentando un máximo de tres fotografías en formato dixital. As fotos, que serán orixinais e non premiadas noutros concursos, poderán ser presentadas en formato horizontal ou vertical, tanto en cor como en branco e negro.

 

Para concorrer ao certame, as fotografías deberán enviarse en formato dixital ao enderezo de correo electrónico 08marzogrove@gmail.com acompañadas da correspondente folla de inscrición cuberta, dunha declaración de responsabilidade asinada e dunha copia do documento de identidade da autora ou autor.

 

O prazo de inscrición estará aberto desde a publicación das bases na páxina web do Concello do Grove (www.concellodogrove.es) ata o día 3 de marzo de 2024, incluído.

 

O xurado, composto por integrantes do Consello Local de Igualdade (CLI) e por profesionais relacionados coa arte e a fotografía, outorgará un primeiro premio de 350 euros, un segundo de 250 e un terceiro de 150 euros.

 

O nome das tres persoas galardoadas darase a coñecer na páxina web municipal o día 8 de marzo de 2024. Ademais, a fotografía gañadora será empregada na campaña do Día Internacional das Mulleres e as 20 fotografías con maior puntuación formarán parte dunha exposición.

BASES CONCURSO DE FOTOGRAFIA 8M

Webcam en Directo

axenda

calendario
mes anterior marzo | 24 mes próximo
LMMXVSD
123
45678910
11121314151617
18192021222324
25262728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss