Este servizo municipal permite conciliar os horarios laborais e escolares das familias do centro.

O Concello do Grove, a través da Concellería de Educación, abre o prazo de inscrición do programa madruga para o vindeiro curso escolar 2019-2020. Os pais e nais que queiran inscribir os seus fillos neste servizo municipal poden realizar as inscricións no Rexistro xeral do Concello (rúa Alcalde Xacobe Barral Otero, 3), de 9.00 a 14.00 horas.

O Programa Madruga volve a ofrecerse no CEIP Valle-Inclán e ten como fin facilitar a compatibilidade horaria das xornadas laborais dos pais cos horarios escolares dos seus fillos.