Presentación

Para poder moverse no mercado laboral actual con certo nivel de seguridade na procura de emprego é imprescindible partir cunha formación mínima.

Cal é a formación mínima que me pode asegurar certo nivel de éxito?

Difícil, pois débense encaixar intereses persoais, formación, sector, contorno laboral en que me movo, etc.

Recomendacións xerais:

Rematar a formación básica, graduado de secundaria, ben a través da formación regrada ou, se non fose posible, a través da  oferta de educación para adultos.

• Adquirir unha especialización vía formación profesional de grao medio pode ser unha boa alternativa para quen queira incorporarse rapidamente a un traballo
• Ir a bacherelato e logo formación profesional de grao superior ou á universidade, se tomamos a opción de longo percorrido. 

Hai que ter en conta que canto maior sexa o nivel formativo, máis opcións e posibilidades se abren no mercado laboral.

E no caso de que non chegue a rematar o graduado de secundaria?

• Programas de Formación Profesional Básica. Pregunta nos centros de educación secundaria.
• Educación para adultos/as orientada a acadar o graduado de secundaria, bacharelato ou universidade.
• Programas de formación para desempregados/as ou traballadores/as en activo.
• Cursos AFD         
• Obradoiros de emprego para desempregados/as.

Nos seguintes apartados de formación regrada e non regrada analizaremos as ditas vías. Tomes unha ou outra, procura formarte antes de entrar no mercado laboral e, cando esteas dentro, continúa formándote.