Presentación

A procura de emprego require un esforzo. Sobre todo debes ser constante, amosar interese, ganas, dispoñibilidade xeográfica, adaptabilidade...

"Localizar un emprego é un traballo máis"

CONSELLOS XERAIS NA BUSCA DE EMPREGO

Dille a todo o mundo que buscas emprego: familiares, amigos, coñecidos (este é o mellor método).

Inscríbete nos servizos públicos de emprego (Inem, SPEG): o tempo de permanencia axuda para acceder á formación ocupacional ou a programas de inserción laboral. Ademais, aos empresarios/as que te contratan ofrécenlles subvencións e bonificacións.

Achégate a asociacións de empresarios/as ou fundacións que poidan ter bolsas de emprego, poden ofertar prácticas en empresa ou bolsas como o caso das FEUGA.

Prensa, radio, Internet, prensa especializada en ofertas, taboleiro de anuncios, carteis...

Bolsa de emprego do Concello do Grove.

Bolsa na que actualmente temos máis de 450 persoas inscritas.

A Bolsa pretende dar servizo ás emrpesas do concello e da comarca que necesitan traballadores, facilitándollos coa maior rapidez posible.

Para anotarte podes dirixirte á Axencia de Desenvolvemento Local no Edificio de Usos Múltiples "Casa Azul", Sito na R/Castelao, 173 baixo

Así  mesmo os empresarios poden dirixirse a nos ou cubrir o impreso de solicitude de traballadores.

TIPOS DE OFERTAS DE EMPREGO

Oferta de emprego pública: o emprego ofertado polas administracións do Estado (Xunta, deputacións, concellos...).

Oferta de emprego privada: as ofertas das empresas e institucións privadas.