galego | español
texto grande
buscar

Noticias

Documentación e Patrimonio

mércores, 8 de abril de 2015
"O III Festival de Curtametraxes Concello do Crove terá lugar o sábado 11 na Sala das Cunchas da Casa do Concello"
foto

 

A entrada é libre ata completar aforo

Os máis pequenos da casa seguirán divertíndose e aprendendo con contos do mundo, contos clásicos e monicreques

O público afeccionado ao mundo do cine poderá gozar coa proxección de oito das mellores curtametraxes do 2014 no III Festival de Curtametraxes Concello do Grove, que se celebrará o 11 de abril a partir das 20:00 na Sala das Cunchas da Casa do Concello.

A entrada é gratuíta ata completar a capacidade e o evento conta cun premio para o mellor traballo cunha dotación económica de 250 euros e no que o público cobra un especial protagonismo, xa que serán os mesmos espectadores quen elixan, a través de papeletas de votación, que curtametraxe merece alzarse co primeiro premio.

Con esta iniciativa preténdese implicar os asistentes máis aló do mero visionado e involucralos nunha valoración activa e crítica do visto na pantalla.

Durante as proxeccións veranse e valoraranse un total de 8 curtametraxes de duración, xénero e temática variada:

 

·         600 $ dirixida por Oriol Cardus e de 18 minutos de duración

·         Trato preferente dirixida por Carlos Polo e de 3 minutos de duración

·         Time after time  de Pablo Silva González, Peris Romano e 16 minutos

·         A pachas dirixida por Mario Tardón e de 4 minutos de duración

·         Flexibility dirixida por Remedios Crespo e de 10 minutos

·         Princesa china dirixida por Tomás bases, de 5 minutos

·         Mobiliario urbano de Ignacio Nacho e 4 minutos

·         Óscar desafinado de Mikel Alvariño e 22 minutos

 

Así mesmo, tamén haberá diversión e entretemento para os máis pequenos da casa:

O sábado 11 de abril, a partir das 12.00 h poderán asistir na biblioteca Municipal do Grove  ao contacontos Irene no Sáhara a cargo de Solidariedade Internacional de Galicia: unha viaxe ao Sáhara a través dos cinco sentidos

 

As nenas e os nenos do Grove coñecerán da man da nosa amiga Irene, a través dos monicreques, as súas aventuras no Sahara e visitarán os Campamentos de Refuxiados Saharauís. A través de lendas e contos populares do Sahara, Irene levará as cativas e cativos por unha viaxe onde dará a coñecer a situación da poboación refuxiada Saharauí.

 

Irene no Sahara enmárcase dentro da campaña CONTOS DO MUNDO. A nena Irene, filla de cooperantes de Solidariedade Internacional de Galicia, leva tempo dando a coñecer as nenas e nenos galegos a realidade de países que viven en condicións máis desfavorables

O sábado 18 de abril á mesma hora, pero na  Axencia de Lectura de San Vicente, Es Tarabelos teatro achegaranos a obra “O Traxe novo do Rei”, un contacontos ilustrado con  monicreques de  boca, monicreques de mesa e miniaturas. Actividade subvencionada polo programa Ler Conta Moito da Xunta de Galicia

 

Un libro, un cheiro, un conto... Un traxe especial, para un rei especial. O traxe novo prometía ser un capricho inigualable e unha ferramenta perfecta para saber o nivel de intelixencia dos habitantes da corte. Pero, sería certo?, funcionaría?; de algún xeito si, pero non como el o esperaba.

 

PROGRAMA DO III Festival de Curtametraxes Concello do Grove:

 

 

 
Galería:
 
Webcam en Directo

axenda

calendario
mes anterior novembro | 20 mes próximo
LMMXVSD
1
2345678
9101112131415
16171819202122
23242526272829
30

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss