galego | español
texto grande
buscar

Noticias

Rede de Bibliotecas do Grove

luns, 19 de agosto de 2019
"O Concello do Grove acada unha subvención para a programación de actividades contra a violencia de xénero nas bibliotecas"

 

As actividades desenvolveranse na biblioteca municipal do Grove e na axencia de lectura de San Vicente.

 

O Concello do Grove acadou unha nova subvención da Xunta de Galicia para a programación de actividades de dinamización da lectura destinadas a promover a igualdade entre homes e mulleres e á prevención e sensibilización contra a violencia de xénero dunha maneira lúdica e atraente na Rede de Bibliotecas do Grove.

 

En total, programáronse un total de cinco actividades que terán lugar durante os meses de agosto, setembro e outubro na axencia de lectura de San Vicente e na biblioteca municipal do Grove.

O venres 23 de agosto, a partir das 11.30 h, desenvolverase na axencia de lectura de San Vicente o obradoiro de ilustración A cidade violeta, a cargo de Anxo Fariña. Trátase dun obradoiro no cal a rapazada poderá crear un libro-cidade con moitas posibilidades de lectura. Pero o mellor de todo é que se se lle aplica a luz ultravioleta, ou o poñen na escuridade, verán como debería ser unha cidade sen violencia de xénero, e con igualdade entre mulleres e homes. Un libro-escultura para crear, xogar, ler na escuridade…

O 13 de setembro Trinketrinke Teatro achegará ata a biblioteca municipal do Grove o contacontos teatral O Ratiño Presumido, que promove a igualdade entre homes e mulleres e a loita contra a violencia de xénero. A gran Lilí Gruyère, a artista máis internacional de todas as ratiñas e ratiños de Lonxedetodo, vén de recibir un importante encargo profesional: a dirección do musical A Ratiña Presumida, para o que contará coa axuda do seu amigo e veciño o Rato Fuco. Nesta ocasión Lilí decide facer a súa propia versión: O Ratiño Presumido.

O 14 de setembro na axencia de lectura de San Vicente terá lugar o contacontos Diagnosticando a igualdade, a cargo de Caxoto Contacontos.  O público asistente recibirá a visita dun estrafalario doutor que irá a informar sobre unha doenza contaxiosa provocada polo Virus de Mach. O virus actúa facendo que nos desorientemos e comecemos a pensar cousas que non se corresponden coa realidade. A enfermidade denomínase “machismo” e quen o sufre non se enteira. Risas, sorpresas, síntomas... e receitas curadoras para toda a familia.

0 22 de outubro Migallas Teatro representará na biblioteca municipal do Grove o contacontos musical Elas pintan moito, unha sesión de contos a partir da obra de diferentes pintoras e dos elementos que as inspiraron. A través das artistas Xulia Minguillón, Sonia Delaunay, Frida Khalo e Yayoi Kusama abórdase a cuestión da igualdade entre homes e mulleres en todos os ámbitos da vida.

Por último, o 23 de outubro, Pablo Díaz achegará ata a axencia de lectura de San Vicente o contacontos musical Contando números, cantando cores, unha actividade para cantar, contar, traballar e reflexionar sobre a igualdade  entre nenos e nenas e maiores.

 

Webcam en Directo

axenda

calendario
mes anterior setembro | 19 mes próximo
LMMXVSD
1
2345678
9101112131415
16171819202122
23242526272829
30

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss