galego | español
texto grande
buscar

Noticias

Seguridade

martes, 26 de maio de 2020
"A POLICÍA LOCAL XA CONTA COS MODELOS DE CERTIFICACIÓN DA REVISIÓN DOS LOCAIS DE HOSTALERÍA"

 

Lémbrase que os establecementos poden solicitar consulta previa sobre o cumprimento das normativas para evitar problemas que poidan afectar á seguridade ou causar unha sanción.

 

Como xa se informou a pasada semana, a Policía Local do Grove pon á disposición dos establecementos de restauración un servizo para informar de xeito previo sobre as condicións de ocupación que deben cumprir os locais, especialmente no referido ás terrazas. O Concello ten detectado reiterados incumprimentos sobre estes aspectos desde o comezo da desescalada, algo que resulta moi preocupante, sobre todo para a seguridade da clientela e das propias persoas que traballan nos locais.

 

Ante esta realidade ofrécese a posibilidade de que as e os hostaleiros non incorran en incumprimentos das normas solicitando información previa da Policía Local. Para iso tan só teñen que remitir un correo electrónico a policialocal@concellodogrove.es no que indiquen a distribución que se pretende realizar, tanto da terraza como do interior do local, mediante un bosquexo ou debuxo esquemático (pode ser realizado á man de xeito sinxelo). Con esa información a Policía Local desprazarase ata o establecemento para comprobar a validez da proposta e, no caso de que non sexa válida, informar a persoa responsable sobre as posibilidades de se axustar á normativa. Unha vez chegado ao modelo correcto, a Policía facilitaralle un documento selado que permitirá que a clientela estea informada de se o local está garantindo as medidas de seguridade propostas no tocante á ocupación e ás distancias de seguridade. Este certificado, que estará exposto nos locais, daralle asemade seguridade ao hostaleiro ou á hostaleira e permitirá que a Policía Local poida realizar as revisións con maior rapidez e eficacia.

 

Unha vez máis, o Concello do Grove incide en que cómpre garantir a seguridade de toda a veciñanza e das persoas que nos visitan e en que non se pode baixar a garda ante o coronavirus, polo que reitera que o prioritario é cumprir as medidas de seguridade para evitarmos posibles recaídas.

 

 

Webcam en Directo

axenda

calendario
mes anterior xullo | 20 mes próximo
LMMXVSD
12345
6789101112
13141516171819
20212223242526
2728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss