galego | español
texto grande
buscar

Noticias

Lingua

mércores, 27 de maio de 2020
" O CONCELLO DO GROVE PARTICIPA DE NOVO NOS PREMIOS YOUTUBEIR@S"
foto

 

O prazo para participar nesta cuarta edición comeza hoxe

 

Os Premios Youtubeir@s, organizados polos servizos de normalización lingüística de dez concellos, as tres universidades galegas e a Deputación da Coruña, lanzan a súa cuarta edición con cambios significativos nas súas bases e un incremento da dotación económica, que pasa dos 6.500 euros de 2019 a 7.500 euros para repartir nas doce categorías do certame deste ano.

 

O concurso, no que participa o Servizo de Normalización Lingüística do Concello do Grove desde a súa primeira edición, estará aberto a todas as persoas maiores de 14 anos con canles e vídeos en galego, autoproducidos, subidos a YouTube e que estean publicados con data posterior ao 27 de setembro de 2019. No caso de presentar unha canle, esta debe conter polo menos vídeos maioritariamente en galego e realizados con posterioridade a esta mesma data. Deste xeito, búscase animar a creación de vídeos con temáticas e formatos diversos, pero en galego, dándolle visibilidade á produción en lingua galega e á comunidade creadora atendo ao lema deste ano: “Expandir a Rede”.

 

Unha das novidades deste ano é a reorganización e ampliación das diferentes categorías, que nesta edición chegan a: canle, vídeo, youtubeir@, calidade lingüística, impacto, calidade técnica, comunicación, creatividade, musical, didáctico, pioneiro e o premio do público. As tres primeiras categorías contarán cun premio de 1.000 euros, mentres que as nove restantes serán de 500 euros. O palmarés será escollido por un xurado profesional conformado por persoas de recoñecido prestixio.

 

Lémbrase que o prazo de inscrición comeza hoxe e pecharase o 23 de outubro de 2020 ás 23.59 h e para se inscribir tan só é preciso cubrir o formulario dispoñible na web www.youtubeiras.gal , onde tamén están dispoñibles as bases completas.

 

Desde o Concello do Grove anímase á participación, especialmente das mozas e dos mozos da localidade onde, segundo consta, existe moito talento audiovisual.

 
Galería:
 
Webcam en Directo

axenda

calendario
mes anterior xullo | 20 mes próximo
LMMXVSD
12345
6789101112
13141516171819
20212223242526
2728293031

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2009. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss