Ademais, ampliarase o horario de apertura a sábados e domingos pola mañá.
O próximo 1 de xullo reabrirase a terceira pista de pádel do Concello, de tal xeito que, logo do proceso de desescalada, xa se poderá dispoñer da totalidade das instalacións municipais para este deporte. Ademais disto, poñerase en marcha unha ampliación do horario para a súa utilización, polo que as persoas que practican esta modalidade deportiva tamén van poder reservar as pistas os sábados e os domingos pola mañá.