galego | español
texto grande
buscar

Noticias

Xuventude

xoves, 27 de agosto de 2020
"O CONCELLO DO GROVE COLABORA NO II CAMPO DE VOLUNTARIADO ‘A TERRA QUE HABITA O MAR’"
foto

 

O programa terá lugar do 1 ao 12 de setembro no Cámping Os Fieitás. A recepción das persoas participantes será o mércores,2 de setembro ás 11.00 horas na Sala das Cunchas da Casa do Concello.

 

O Concello do Grove colabora na segunda edición do Campo de Voluntariado “A terra que habita o mar”, organizado pola Consellería de Política Social dentro do programa xuvenil O Verán que necesitas, cuxa duración será do día 1 ao 12 de setembro e que se desenvolverá no Cámping Os Fieitás. Este campo terá unha temática medioambiental que tratará de poñer en valor o Concello do Grove a través de traballos de limpeza e extracción das especies invasoras, recuperación das estruturas de observación ornitolóxica e deseño e colocación de carteis nas zonas de actuación, entre outros cometidos.

 

Por mor das medidas relativas á Covid, este ano o Campo muda de ámbito, polo que pasará de internacional a autonómico e reducirá o número de participantes. Xa que logo, nesta ocasión serán só doce mozas e mozos galegos de entre 18 e 30 anos quen participen na experiencia. A todas e todos eles agradéceselles o seu interese pola conservación e o coidado do patrimonio e o medio ambiente e que dediquen parte do seu tempo a este fin. As persoas voluntarias serán compensadas parcialmente polo seu esforzo co aloxamento e manutención no cámping, ademais de con actividades turísticas, culturais e de lecer.

 

No ano 2019 constatouse o importante labor dos voluntarios e voluntarias, que asumiron e remataron todas as tarefas proxectadas. Así pois, nesa primeira edición, recolléronse manualmente máis de tres toneladas de Carpobrotus edulis, unha planta invasora do ecosistema dunar que reduce a biodiversidade e afecta a produción de moitos cultivos. Dada a capacidade de rebrote desta especie, é fundamental non descoidar estes labores de retirada. Na pasada edición tamén se recuperou un miradoiro de aves (“Observatorio principal” ou “Cavernal”) para apoiar o turismo ornitolóxico do Concello do Grove e a posta en valor dos ecosistemas favorecendo a desestacionalización do turismo na zona e apostando por un tipo de ocio respectuoso coa natureza e que axuda a revalorizar o medio.

 

A intención para o ano 2020 é repasar as zonas traballadas no 2019, evitando rebrotes, e traballar noutras onde a influencia da planta invasora sexa de especial sensibilidade ambiental, tendo como obxectivo a extracción, superando as cifras do pasado ano. En canto á recuperación de estruturas, este ano traballarase no “Observatorio do Medio”, situado na estrada que percorre o istmo da Lanzada.

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss