PLAN CONCELLOS LIÑA 3. PROGRAMA "INTEGRA O GROVE" PARA A CONTRATACIÓN DE PERSOAS DESEMPREGADAS

O Concello de O Grove, para a posta en marcha do PLAN CONCELLOS LIÑA 3, Programa “INTEGRA O GROVE”, financiado pola Deputación Provincial de Pontevedra, solicitou ante a dita institución unha subvención por valor de 268.619,37€ para a contratación de 27 traballadores/as desempregados/as inscritos nas listas do Servizo Público de Emprego de Galicia como demandantes de Emprego, en concreto 17 peóns de obras públicas, 2 peóns forestais, 2 peóns de xardinaría, 2 condutores de camión, 2 auxiliares adminitrativos e 2 auxiliares de cultura.

Recibida a comunicación da concesión da subvención por parte da Deputación Provincial procederase á tramitación das correspondentes ofertas de emprego. As persoas desempregadas realizaran obras e servizos de mellora das infraestructuras municipais e servizos de atención ao público. Os contratos son a xornada completa e cunha duración de 6 meses excepto o auxiliar de cultura que a súa duración será de 5 meses.

OCUPACIÓNS SOLICITADAS:

A continuación específicanse os requisitos de acceso:

 -17 peóns de obras públicas: duración do contrato 6 meses a xornada completa, sen requisitos específicos.

-2  peóns forestais: duración do contrato 6 meses a xornada completa, prioritariamente con formación no ámbito forestal, prevención de riscos específico na ocupación.

-2 peóns de xardinaría: duración do contrato 6 meses a xornada completa, prioritariamente con formación no ámbito da xardinaría, ciclos de F.P. ou certificado de profesionalidade na ocupación.

-2 condutores camión: duración do contrato 6 meses a xornada completa, con carné de conducir C e CAP.

-2 auxiliar administrativo: duración do contrato 6 meses a xornada completa, formación mínima en Ciclo Medio en Xestión Administrativa ou FP1.

-2 auxiliares de cultura: duración do contrato 5 meses a xornada completa, formación mínima título de Ciclo Superior de Animación Sociocultural e Turística.

As persoas interesadas e que cumpran cos requisitos de acceso deben comunicarse coa Oficina de Emprego e verificar o código da ocupación na súa demanda de emprego.