galego | español
texto grande
buscar

Noticias

Cultura

xoves, 30 de decembro de 2021
"AVISO: O CONCELLO DO GROVE ANUNCIA CAMBIOS NO CARTEIRO REAL E NA GRAN CABALGATA DE REIS PARA ADAPTALOS ÁS CONDICIÓNS SANITARIAS ACTUAIS"
foto

 

O Concello do Grove quere anunciar que se mantén a Cabalgata de Reis, pero con algúns cambios para poder adaptala ás condicións sanitarias actuais.

 

Carteiro Real

Cancélase a recepción do Carteiro Real prevista para o domingo 2 de xaneiro na rúa Castelao, instalarase unha caixa do correo diante das carpas do Mercado de Nadal de Grovemakers para que toda a rapazada poida deixar as súas cartas o domingo 2 e o luns 3 de xaneiro.

 

Gran Cabalgata de Reis

Mantense a Gran Cabalgata de Reis co mesmo horario e percorrido, pero suspéndese a recepción dos Reis Magos na Casa do Concello así como o tradicional discurso no balcón. As súas maxestades non baixarán das carrozas nin pararán na Casa do Concello nin en ningún outro punto.

 

A cabalgata comezará ás 18.00 h con saída desde o CEIP Valle-Inclán cara á avenida Tenente Domínguez, percorrerá o primeiro tramo da Castelao en sentido contrario á circulación, segundo tramo da Castelao peonil, tomará o cruzamento cara á Rúa da Praza, rúa Pablo Iglesias tamén en sentido contrario á circulación, praza do Corgo, Rotonda das Garzas, subida por Luís Casais, de novo o tramo peonil da rúa Castelao, Luis A. Mestre e avenida de Portugal.

 

Chamamento á poboación

En nome dos Reis Magos de Oriente o Concello fai un chamamento a toda a poboación para que se distribúa por todo o percorrido e evite formar aglomeracións, sobre todo na rúa Castelao e na praza do Corgo, que adoitan ser os puntos máis conflitivos.

 

Caramelos

As actuais condicións sanitarias fan imposible a tradicional tirada de caramelos, polo que as súas maxestades deixarán paquetes individuais para toda a rapazada da vila que serán repartidos nos centros educativos ao comezo das clases de xaneiro.

 
Galería:
 
Webcam en Directo

axenda

noticias

Rede de
bibliotecas

perfil do
contratante

portal de
turismo

boletín ADL

Apúntate ao noso boletín

boletín OMIX

Apúntate ao noso boletín

avisos sms

síguenos en
logotipo consellería innovación e industria logotipo Ministerio Industria, turismo y comercio logotipo FEDER

2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
páxina accesible AA rss