Noticias
Educación
O Concello de O Grove prosigue a traballar nas xestións que permitan dar unha solución de conciliación ás familias que quedaron sen praza na Escola Infantil de Rons, facendo todos os traballos precisos para por en marcha un Punto de Atención á Infancia, nas instalacións do coñecido como “Colexio das Monxas”.
Recentemente fíxose unha confirmación de matrícula, de aquelas familias que tiñan feito a reserva de praza no mes de xullo, confirmando un total de 15 prazas. Quedando vacantes 5 prazas, para crianzas de 0 a 3 anos. Procedéndose agora a abrir un prazo de matriculación para estas 5 prazas, que se atenderán por orde de entrada.
Recordamos que o Punto de Atención á Infancia, acollerá 20 crianzas, de 0 a 3 anos, de xeito unitario. O horario total de apertura do centro será de 8 a 16 horas, de luns a venres, e permitirá a opción de servizo de comedor para as familias interesadas, con un servizo de catering externo.
O prazo de matrícula comeza o venres 2 de decembro, ata o día 9 do mesmo mes, e esta deberá facerse a través do Rexistro municipal en horario de 9.00 a 14.00 horas. Os impresos de matrícula poden descargarse na web Concello do Grove ou premendo na seguinte ligazón:
Para máis información:
Pilar Galiñanes
Concellería Educación
2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
