Noticias
Cultura
• A biblioteca foi galardoada cun novo premio María Moliner polo proxecto “Unha biblioteca de libros e outras historias”
O Grove, 27.07.2023.- As actividades de dinamización lectora desenvolvidas na biblioteca municipal do Grove acadan un novo recoñecemento a nivel nacional. O programa de dinamización lectora “Unha biblioteca de libros e outras historias” logra un novo Premio María Moliner para a biblioteca do Grove, o que supón un aporte económico de 2777,72 € para a compra de libros.
O proxecto de dinamización desenvolvido pola biblioteca do Grove obtivo unha puntuación de 75, o que a sitúa entre as 20 mellores a nivel estatal e a segunda a nivel autonómico. Con este novo recoñecemento son xa 12 os premios obtidos pola Biblioteca Municipal do Grove: no 2005, no 2006 e, de forma ininterrompida, en todas as edicións desde o ano 2011.
As puntuacións obtidas polas programacións da Biblioteca Municipal do Grove a sitúan entre as mellor valoradas do panorama nacional con proxectos dirixidos a fomentar a biblioteca como organización cultural e comunitaria, máis aló dos seus límites de espazo físico, con programas completos, ben expostos con actividades interesantes e ben desenvolvidas, tanto no contido como no formal.
2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
