Noticias
Cultura
O Grove, 11 de agosto de 2023.- O Concello do Grove, dentro do programa Verán Cultural, continúa a vindeira semana con novas propostas culturais.
O martes 15 de agosto, a partir das 21.00 h, ofrecerase a actuación da agrupación do Grove “Cinco en Zocas” na emblemática Salgadeira Vella de Punta Moreiras e con entrada libre. “Cinco en Zocas” é unha agrupación de canto tradicional que mestura o tradicional con harmonías a través dun labor de recollida e formación das melodías que trasladan as mensaxes dos antepasados á actualidade.
O mércores 16 de agosto será a quenda do Cinema de Verán. A partir das 22:00 h proxectarase na Rúa Santo Antonio “La Casa Gucci” recomendada para maiores de 12 anos. Esta película está dirixida por Ridley Scott e protagonizada por Lady Gaga e Adam Driver, ademais de Jared Leto, Jeremy Irons, Salma Hayek e Al Pacino.
O xoves 17 de agosto, ás 21.00 h, terá lugar na Praza do Corgo a actuación de “Galifunk Brass”, un grupo que xorde como unha aposta de músicos, todos eles profesionais, que teñen en común o gusto pola música actual así como da música disco, dos 70’s, funky… Buscando sempre ser orixinais e inspirándose nas brass band americanas, crean un repertorio amplo e variado, con arranxos propios e innovadores.
2020. Concello do Grove, Praza do Corgo nº 1 | T. 986 73 09 75 | F. 986 73 13 58
aviso legal | créditos | rss
