Axudas para os equipos sintonizadores TDT

Fecha: 2010-01-21

O Concello do Grove anuncia axudas para os equipos sintonizadores TDT

As concellerías de Benestar e de Industria, Comercio e Novas Tecnoloxías informan a veciñanza do Grove de que se están a tramitar as axudas a colectivos en risco de exclusión para poder dispoñer dun equipo sintonizador de TDT, durante 4 anos. Os equipos serán recollidos polo Concello na Xefatura Provincial de Inspección de Telecomunicacións en Pontevedra, para aqueles veciños e veciñas que non poidan desprazarse.

Para poder acceder a estas axudas é preciso cumprir os seguintes requisitos:

• Pertencer a algún dos colectivos beneficiarios:

• Ter 65 anos ou máis e unha dependencia recoñecida de nivel II ou III.
• Ter un grao de discapacidade do 33% ou superior, constando como unha das súas discapacidades algunha de tipo auditivo ou visual.
• Ter máis de 80 anos e vivir só ou soa, ou ben en compañía doutra persoa tamén maior de 80 anos.

• Non ser beneficiario ou beneficiaria deste Plan de Actuacións de Apoio a través de asociacións ou comunidades autónomas.

As persoas que desexen acollerse a estas axudas deben facer unha solicitude no Rexistro do Concello, na que consten os seu datos persoais, a que colectivo beneficiario pertencen e un número de teléfono de contacto, de xeito que se poida tramitar a correspondente solicitude de sintonizador de TDT.

Recordamos que o prazo para solicitar estas axudas finaliza o próximo 3 de abril, coincidindo co apagamento analóxico.