Taller de ideas. Programa Iniciativa Xove

Fecha: 2014-04-01

A OMIX informa dun taller de ideas que terá lugar este mércores, ás 18.30 h na Casa azul.

Taller de ideas pretende ser unha ferramenta de traballo sobre proxectos de participación xuvenil en grupos reducidos enfocados a mozos e mozas e entidades de carácter xuvenil xa decididos á presentación de propostas no marco do programa Iniciativa Xove ou outros similares, ou que ben xa teñan concorrido noutras convocatorias e busquen mellorar as súas competencias en canto á redacción e execución de proxectos.

A metodoloxía é eminentemente práctica, buscando o traballo en equipo e o intercambio de ideas entre os asistentes, logo de introducir unha breve exposición teórica ao inicio da sesión.

Contidos:

. Que é a participación xuvenil?

, Iniciativa Xove. O programa

. Estrutura dunha Iniciativa

. Execución do proxecto. Pautas para pasar do papel á realidade

. Prazos e cronograma. Organízate no tempo.

. Tes unha idea? Lidera o teu propio proxecto.

Destinatarios/as:

. Entidades xuvenís e prestadoras de servizos á xuventude

. Grupos de mozos e mozas

. Colectivos interesados en levar a cabo proxectos de participación xuvenil

. Técnicos/as municipais

. Público en xeral

En breve sairán unhas axudas da Dirección Xeral de Xuventude e Voluntariado para financiar estes proxectos que poden chegar aos 4000 euros.