Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello do Grove informa sobre as obras de rehabilitación da escola infantil de Rons

Logo de que se completaran os trámites administrativos para poñer en marcha as obras de reforma da escola infantil de Rons, onte á tarde tivo lugar unha reunión convocada polo Concello do Grove para informar aos pais e nais dos cativos deste centro sobre as obras previstas. Nesa reunión estivo presente, ademais do alcalde e a concelleira de Educación, o xerente do Consorcio, Perfecto Rodríguez, entidade responsable das obras por parte da Xunta de Galicia.

As explicacións correron a cargo tanto do xente do Consorcio como do enxeñeiro e do director técnico de seguridade das obras. Deste xeito, informouse a pais e nais e os docentes do centro de que as obras comezarán o vindeiro 27 de xuño. A realización farase a partir desa data por fases. A primeira fase centrarase na zona de administración e comedores, polo que non afectará ao desenvolvemento das clases. O peche do mes de agosto permitirá acometer as obras de maior volume, o cambio da cuberta e a creación dunha aula adicional, ademais do acristalamento da fachada do xardín. 

A partir de setembro, co comezo das clases, iniciaranse as fases que permiten actuar aula por aula de forma estanca, o que permitirá compatibilizar o desenvolvemento das obras coa docencia. O límite máximo de execución das obras está datado no 27 de decembro de 2016. O seu resultado agárdase que sexa unha escola infantil máis diáfana, contando con aulas conectadas e cun corredor que permitirá que os pais poidan observar os seus cativos durante as actividades. Este factor, xunto co cambio do valado exterior e o acristalamento da zona axardinada, permitirán integrar o espazo coa contorna e facer un uso máis visual deste ámbito. Toda a obra se caracteriza por unha grande accesibilidade e adaptación aos cativos. O máis importante é a eliminación da humidade e contar con chan radiante en todo o edificio.

Planos do proxecto>


Todas las noticias