Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

Balance positivo das Festas do Carme 2016

Os servizos municipais de seguridade, limpeza e mantemento involucráronse por completo no desenvolvemento do evento.

O Concello do Grove transmítelle a súa en hora boa á Comisión da Festa dos Carme polo bo decorrer da festividade deste ano. A colaboración do Concello foi total e requiriu dun reforzo especial dos horarios do persoal ademais dun gran despregue de medios materiais. 

A totalidade dos efectivos da Policía Local estiveron activos durante todos os días da festa realizando as correspondentes patrullas nocturnas, ademais das vixilancias requiridas no lanzamento dos fogos e no desenvolvemento das procesións. O Servizo de Emerxencias tivo que reforzar quendas para poder manter o servizo nas praias e atender outras incidencias ao tempo que atendía, en colaboración directa coa Policía Local, as necesidades da festa, sendo especialmente importante o seu traballo na procesión marítima. 

Os efectivos de limpeza foron desprazados e reducíronse efectivos nas praias para atender o recinto da Festa. Isto permitiu que a zona de atraccións e os postos de venda situados na praza do Corgo contaran cunha limpeza máxima, evitando os problemas que se producían en anos anteriores especialmente na zona fronte á confraría de pescadores. Hoxe martes retomáronse os horarios e postos habituais, polo que a limpeza de praias contará coa totalidade de efectivos. 

Tamén foi subliñable o traballo dos operarios de mantemento que se encargaron da montaxe e desmontaxe de distintos elementos como a plataforma de accesibilidade ou escenarios e cadeiras para distintos eventos. 

Todo o anterior propiciou que a Festa se desenvolvese sen incidentes e cunha ampla afluencia de público. Ao non tratarse dun día festivo senón laborable (segundo a proposta apoiada polos grupos da oposición), a xestión do tráfico resultou especialmente complexa, e producíronse pequenos problemas polos embotellamentos nalgunha hora determinada. 

O Concello agarda que a vindeira edición conte co mesmo éxito que o conseguido en 2016.


Todas las noticias