Os usuarios de Vellos Tempos tamén collen o Grobus

Fecha: 2016-08-09

Esta tarde está programada unha saída para que os maiores participantes en Vellos Tempos visiten o centro urbano. 

Esta tarde o Grobus, o servizo posto en marcha pola Asociación de Empresarios Emgrobes, recibirá a uns usuarios moi especiais. Trátase dos participantes no programa Vellos Tempos que habitualmente se atopan nas Valadas e que collerán o autobús para achegarse ao centro do Grove e poder pasear por esta zona.

Esta excursión permitirá que os máis maiores visiten o Porto e o paseo marítimo e supón unha actividade nova que aproveita o bo tempo destes días. O servizo conta con accesibilidade grazas a unha rampla despregable e asentos adaptados, o que permite que as persoas con mobilidade reducida tamén poidan participar nesta actividade.