O Consello Local de Turismo recibe os primeiros datos das contas da Festa do Marisco

Fecha: 2017-01-02

O Consello mantivo a súa derradeira reunión de 2016 o pasado xoves.

O Consello Local de Turismo do Grove mantivo a súa derradeira reunión ordinaria do ano o pasado xoves pola tarde. Na referida reunión informouse sobre a actividade realizada durante o ano 2016 pola Concellería de Turismo e avanzáronse os primeiros datos das contas da Festa do Marisco, a falta de pechar o exercicio e de matizar cuestións como o pagamento da taxa de Portos.

No relativo á actividade da Concellería de Turismo, tamén se deu conta das obras emprendidas na Oficina de Turismo, así como das subvencións tramitadas e conseguidas durante o pasado ano. Destacáronse os problemas derivados da escaseza de persoal para a apertura da Oficina de Turismo e achegáronse datos concretos sobre os gastos desta concellería.

Como vén sendo habitual, as contas das Festa do Marisco faranse públicas no apartado de transparencia da páxina web do Concello do Grove.