Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello do Grove continúa coas actividades de dinamización lectora

O autor João Manuel Ribeiro achegarase á biblioteca municipal a presentar o seu libro.

O vindeiro mércores 5 de abril, ás 19.00 h, a biblioteca municipal do Grove acollera o encontro co autor portugués João Manuel Ribeiro, quen presentará o seu libro Meu avó, rei das pequenas cousas. A actividade está aberta a todos os públicos interesados ao tratarse dunha obra para todas as idades.

O autor presentaralle a súa obra á veciñanza que busque gozar dun tempo de lecer envolto na lectura, unha obra portuguesa de éxito, publicada por Hércules Edicións. Ademais da presenza do autor, os asistentes terán a oportunidade de coñecer a tradutora da obra, Ánxela Gracián e dialogar con ambos.

O libro narra a fermosa relación entre un neno e o seu avó, cun canto á sinxeleza e á felicidade: “É un reino de cousas pequenas e de pequenas cousas, pero onde cabe todo o que é preciso ser para ser feliz e do que se fai a vida”.


Todas las noticias