Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

Nova sesión de Contacontos no verán meco

Fantoches Baj trae á Praza de Arriba o seu novo espectáculo “Rodarirodari”.

“RodariRodari” (contos do tranvía) é un espectáculo de narración oral, manipulación de títeres e acompañamento musical no que se emprega o conto tradicional –facendo referencia directa as historias tradicionais de GianniRodari– e os monicreques para, partindo dun elemento tan rechamante para os pequenos como é un burro, chamar a atención sobre o abuso das Novas Tecnoloxías.

Este espectáculo representarase mañá ás 20.00 horas na Praza de Arriba dentro da programación cultural deste verán e na cita obrigada que todos os martes teñen os cativos e cativas do Grove e os que nos visitan coas historias e a literatura. O coñecido “contacontos” Inacio Vilariño será o encargado de acompañar aos pequenos nesta historia que pretende sustentarse no humor. O tema da xogo para introducir cancións tradicionais como a do Trole, nas que os músicos Carlos Quintá, Benxamín Otero e Félix Rodríguez irán acompañando o narrador na historia.


Todas las noticias