Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello do Grove convoca a veciñanza a unha nova charla sobre o PXOM

A charla terá lugar hoxe mércores ás 20.30 horas no CEIP Conmeniño.

Continuando cos traballos informativos relativos ao PXOM, o Concello do Grove convoca os veciños e veciñas a unha nova charla que se desenvolverá o hoxe mércores 15 de novembro ás 20.30 horas no CEIP Conmeniño. Nesta sesión abordarase o relativo á contorna da Xesteiriña, Campos, Meloxo, As Senriñas, avenida de Portugal e zonas próximas do ámbito rural. Debe terse en conta que nesta zona xa se expuxeron revisións sobre o PXOM aprobado inicialmente en 2015 e que nesta nova reunión se lles presentará aos veciños e veciñas a versión actualizada coas achegas realizadas por eles durante os últimos meses.

Como xa se indicou en ocasións anteriores, o Concello do Grove realizará charlas informativas nas mesmas zonas nas que xa as realizou nos pasados meses para expoñer os cambios recollidos en todo o traballo previo e poñer á disposición dos veciños e veciñas o material para que poidan coñecer ata o último detalle do PXOM que se ten elaborado.


Todas las noticias