Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

Só dúas solicitudes participan na convocatoria de subvencións para actividades de dinamización turística e comercial

No día de onte foi realizada a revisión administrativa das dúas propostas presentadas que cumpren cos requisitos da convocatoria.

A liña de subvencións lanzada polo Concello do Grove para actividades de dinamización e promoción comercial de hostalería e turismo tan só recibiu dúas solicitudes. A proposta foi elaborada polo Concello do Grove seguindo a liña marcada na política de transparencia e obxectividade dos recursos públicos. Deste xeito as axudas outorgadas para este tipo de actividades e eventos deixaron de ser concedidas con carácter nominativo (é dicir, por adxudicación directa por parte da concellaría responsable), senón que estas pasan a ser valoradas con criterios obxectivos e a contía outorgada susténtase nunha valoración real da achega social da iniciativa. 

Así, o pasado mes de setembro foron publicadas unha axudas que poñían á disposición de asociacións e empresarios 8.000 euros para actividades. Unha vez rematado o prazo e establecida a revisión administrativa, tan só foron dúas as solicitudes presentadas que concorren a unha axuda que pode chegar a un máximo de 3.000 euros por iniciativa.

Desde o Concello do Grove lémbrase que a intención destas axudas e doutras medidas postas en marcha buscan a implicación das entidades privadas na organización e creación de eventos e actividades que contribúan á dinamización do concello e que, no momento actual, son asumidas case en exclusiva con recursos municipais. Nos vindeiros días reunirase a comisión de valoración das axudas.


Todas las noticias