O Concello do Grove abre o prazo de candidaturas para a Gala do Deporte Meco 2018

Fecha: 2018-03-26

A Gala terá lugar o vindeiro domingo, 15 de abril ás 19.00 horas no Pavillón de Deportes Novo Monte da Vila.

O Concello do Grove abre o prazo para que calquera persoa ou club poida propoñer candidatos para a xa tradicional Gala do Deporte Meco, que se celebrará o vindeiro domingo 15 de abril. Como vén sendo habitual trátase de que as propostas sexan abertas e diversas, polo que as persoas interesadas en presentalas tan só terán que achegarse ao Rexistro municipal e faceren constar a proposta, que deberá ir acompañada dunha memoria dos resultados obtidos na temporada anterior.  Unha vez recollidas as propostas, o Consello Local de Deportes reunirase para valoralas. Lembramos que as categorías que se convocan son as seguintes:

1. Mellor deportista feminina.
2. Mellor deportista masculino.
3. Mellor deportista feminina promesa.
4. Mellor deportista masculino promesa.
5. Mellor equipo feminino.
6. Mellor equipo masculino.
7. Mellor evento deportivo.
8. Vida dedicada ao deporte.
9. Mellor labor de base.
10. Mellor adestrador/a.
11. Mellor club.
12. Mellor deportista de atletismo.
13. Mellor deportista de baloncesto.
14. Mellor deportista de balonmán.
15. Mellor deportista de caza.
16. Mellor deportista de ciclismo.
17. Mellor deportista de equitación.
18. Mellor deportista de fútbol.
19. Mellor deportista de fútbol gaélico.
20. Mellor deportista de karting.
21. Mellor deportista de pesca.
22. Mellor deportista de piragüismo.
23. Mellor deportista de remo.
24. Mellor deportista de silvestrismo deportivo.
25. Mellor deportista de surf.
26. Mellor deportista de tenis.
27. Mellor deportista de tenis de mesa.
28. Mellor deportista de tiro con arco.
29. Mellor deportista de vela.
30. Mellor deportista de ximnasia rítmica.
31. Mellor deportista de xadrez.