Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello do Grove acomete a limpeza das estradas de titularidade autonómica

Ante a inoperancia da Xunta de Galicia e a proximidade dun dos eventos turísticos máis importantes de Galicia fixo necesaria e urxente esta actuación.

Dende hoxe, e durante os vindeiros días, os operarios municipais do Grove están realizando a limpeza da estrada de acceso á localidade. Trátase dunha estrada de titularidade autonómica sobre a que se vén demandando limpeza e mantemento sen que esta fose realizada. Deste xeito, o mal aspecto que xera esta importante vía (a único de acceso á localidade) require que, finalmente, a limpeza sexa acometida por servizos do Grove. Neste caso contouse con maquinaria da Mancomunidade do Salnés, que no período en que é cedida ao Concello foi dedicada a esta zona.

Unha vez máis, resulta urxente reclamar que a Xunta de Galicia se faga cargo destes espazos e acometa os mantementos e limpezas que son necesarios. A situación xa resulta grave ao longo do todo ano e do verán, canto máis ás portas dunha celebración tan importante como a Festa do Marisco, escaparate turístico do Grove e de toda Galicia.


Todas las noticias