Os servizos de Emerxencias do Concello do Grove proceden á limpeza de varias zonas tras os temporais

Fecha: 2019-06-10

Os temporais acaecidos nestas semanas teñen xerado algúns problemas no relativo a árbores e zonas expostas da localidade. Deste xeito, os servizos de Emerxencias municipais procederon a revisar algúns lugares para evitar problemas, tal é o caso das árbores situadas no lateral da praza do Corgo na súa intersección coa rúa Pablo Iglesias, onde foi preciso valar o perímetro pola caída de pólas. No día de hoxe procedeuse ao coidado do gran cedro que se atopa nesa zona para deixalo en condicións de seguridade.