Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

A ASOCIACIÓN BATA CONTRIBÚE Á MELLORA DOS XARDÍNS DO GROVE

Os traballadores e as traballadoras desta asociación están realizando melloras en distintos espazos públicos do Concello do Grove.

A través do convenio de colaboración asinado no mes de maio, os traballadores e traballadoras da Asociación de Autismo BATA desenvolverán, durante dous anos, actividades de xardinería e mantemento na nosa localidade. Inda que xa levan dende esa data realizando pequenos traballos, nos últimos días coa entrada da fase 3 e a fin de moitas das limitacións establecidas, incrementouse a súa actividade, feito que, ademais, xa se pode observar en moitos dos xardíns e prazas do Grove.

A Asociación BATA

Segundo informan dende a propia asociación, “Bata fórmana persoas comprometidas, que xeran oportunidades e apoios para as persoas, que promoven a inclusión para a consecución dunha plena calidade da vida, que acomodan o deseño e a adaptación de contornas que faciliten a comprensión e a comunicación, que desenvolvan intervencións eficaces axustadas ás capacidades, necesidades, expectativas e intereses de cada persoa, valorando tanto os seus puntos fortes como os apoios e recursos que precisan, onde os pequenos cambios xeran grandes momentos que constrúen sorrisos, onde se enfatiza o máis importante do cotián..., en definitiva, centrados na boa vida das persoas e en apoios para a cidadanía de pleno dereito”.

Ao redor de cinco traballadores de BATA xa se atopaban colaborando co Concello nos últimos anos, agora consolídase esta colaboración durante dous anos máis.


Todas las noticias