70 persoas inscritas na Escola de Educación de Adultos

Fecha: 2010-12-28

A Escola de persoas adultas (EEI, Monte da Vila 18) dá servizo de luns a venres, en horario vespertino, a estudantes dos catro cursos da ESO.

Neste primeiro trimestre leva inscritas 70 persoas, das que 46 están xa matriculadas para presentarse ás probas do curso 2010/11 no Ensino secundario para adultos, e 5 máis están cursando o Bacharelato a distancia.

Nas titorías matinais, que teñen lugar martes e xoves no edificio de Usos Múltiples (Castelao 173) téñense atendido 28 persoas, a maioría delas en busca de orientación para a continuación de estudos.

Dentro deste mesmo Servizo municipal, a Escola de persoas maiores atende tres días por semana (dous de ensino básico e outro de estimulación cognitiva en colaboración co CIM) a 23 persoas pensionistas e/ou xubiladas.

Máis información en Escola de Adultos