A Festa do Marisco 2025 reafirma a O Grove como referente turístico e gastronómico

Fecha: 2025-10-19

A LXII edición da Festa do Marisco pechou cun excelente balance, superando os 228.000 visitantes e os 63.000 turistas aloxados, cunha estancia media de máis de 3,7 días. Uns datos que consolidan a O Grove como un destino turístico de referencia en Galicia, recoñecido pola súa oferta gastronómica.

O público nacional continúa a ser maioritario, con presenza destacada das provincias de Pontevedra e A Coruña, así como de Madrid, Ourense, Asturias e León. Tamén se rexistrou un crecemento notable de visitantes internacionais, procedentes de Portugal, Reino Unido, Francia, Estados Unidos e doutros trinta países.

O sábado 11 de outubro foi a xornada de maior afluencia, con máis de 39.000 persoas no recinto festivo. Estes resultados reflicten o bo momento que atravesa a festa e o impacto positivo na economía local e na proxección exterior de O Grove.

A concelleira de Turismo destacou que o próximo obxectivo será traballar para acadar a declaración de Festa de Interese Turístico Internacional, un paso que recoñecería oficialmente o valor cultural, social e económico que a Festa do Marisco representa para O Grove e para Galicia.