Cursos de linguaxe administrativa galega para o persoal da Administración local
Fecha: 2011-04-06
No DOG do mércores 06/04/2011, a EGAP convoca, en colaboración coa Secretaría Xeral de Política Lingüística, 5 cursos de linguaxe administrativa galega de nivel medio na modalidade de teleformación, e 5 cursos de linguaxe administrativa galega de nivel superior na modalidade presencial.
O número de prazas por curso será de 30 tanto para a modalidade presencial como para a modalidade de teleformación.
Requisitos para a inscrición:
- Ser empregada ou empregado público da Administración local da Galicia.
- Para solicitar os cursos de linguaxe administrativa galega de nivel medio deberá ter superado ou validado o curso básico de linguaxe administrativa galega, de perfeccionamento de lingua galega ou certificado de lingua galega 4 (Celga 4).
- Para solicitar os cursos de linguaxe administrativa galega de nivel superior deberá ter superado ou validado o curso medio de linguaxe administrativa galega.
Solicitudes:
O persoal que desexe participar nos cursos convocados nesta resolución deberá cubrir o formulario de matrícula telemática na páxina web da EGAP
Prazo:
O prazo de presentación de solicitudes remata o 13 de abril.
Máis información:
BOP núm. 68, do mércores 06/04/2011
Servizo de Normalización Lingüística do Concello do Grove