Ampliación dos prazos para inscribirse na Escola de Verán

Fecha: 2011-05-26

O tenente alcalde en funcións, Carlos Álvarez, anuncia a ampliación do prazo para inscribirse na escola de verán para os nenos e nenas de 3 a 12 anos. O nacionalista afirma que aínda queda algunha praza libre e o concello pretende cubrilas todas. Afirma que algúns nenos so estarán no mes de xullo ou no mes de agosto, o que facilita ampliar as prazas a máis familias. Concretamente, aínda quedarían 45 prazas libres para o de mes de xullo 56 o de agosto, ou 45 para os dous meses máis 11 para o mes de agosto.

O tenente alcalde animou as familias a facer uso deste servizo municipal, que nace para axudar a conciliar a vida familiar e laboral das familias, e ofrecerlles aos nenos e nenas unha alternativa as vacacións desde unha perspectiva formativa e educativa. Aprendizaxe cooperativo, actividades de ocio e tempo libre e xogos baseados nos valores da igualdade, respecto e tolerancia. Os nenos que poderán participar son os nacidos entre o 1999 e o 2007, e veciños da localidade. O novo prazo rematará o 15 de xuño.

O programa levarase a cabo desde o 1 de xullo ata o 31 de agosto, e será de luns a venres con horario de 9.45 a 13.45 h no IES Monte da Vila. A novidade deste ano é que as familias que o desexen poderán solicitar horarios máis amplos, de 8.00 a 14.00 h. Así mesmo, tamén se está analizando a posibilidade de crear un comedor para aquelas familias que o demanden.