Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

Éxito de público no obradoiro de portugués organizado pola Concellería de Educación do Concello e o SNL municipal

A actividade tivo lugar á tardiña do pasado venres na Casa da Cultura Manuel Lueiro Rey

OPS! O português simples foi o título do obradoiro de iniciación á lingua portuguesa impartido pola AGAL (Ass. Galega da Língua) no Grove grazas á colaboración da Concellería de Educación e do Servizo de Normalización Lingüística (SNL) do concello meco.

O obxectivo fundamental desta actividade formativa gratuíta foi amosarlle ao público participante que o galego é unha “chave” privilexiada para acceder ao mundo cultural ou incluso laboral dos países lusófonos, porque en épocas de crise é cando cómpre afinar onde imos investir os nosos recursos e depositar a nosa atención.

Outro dos propósitos deste taller foi pór en valor a lingua galega, facendo ver a súa potencialidade e contrarrestando os prexuízos que a infravaloran, ao tempo que se lles mostrou aos e ás participantes que o portugués é a sexta lingua máis falada no mundo, oficial en catro continentes e en oito países, entre eles o Brasil, actual potencia emerxente mundial.

O obradoiro, de cen minutos de duración, conseguiu encher a aula de formación da casa da cultura do Grove e deixou os participantes con ganas de máis.


Todas las noticias