Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

As Xornadas da Centola tamén son para os máis cativos

O vindeiro luns desde as cinco da tarde abrirase o Centolo Park na Casa da Cultura Manuel Lueiro Rey.

Dentro da programación das XIII Xornadas da Centola o vindeiro luns, 7 de decembro, terán lugar as actividades do Centolo Park. A partir das 16.30 horas, todos os rapaces e rapazas que se acheguen á casa da cultura do Grove poderán participar nas “actividades centoleiras”. Así, faranse obradoiros para reproducir un fondo mariño no escenario da casa da cultura e poder disfrazarse de centolas e os mariscos que se atopan nos nosos fondos. Tamén haberá photocall e un obradoiro de estampación de camisetas (é preciso que os cativos leven as súas prendas para “tunear”), maquillaxe centoleira, globos mariños e moitas sorpresas e maxias completarán o programa ata as 20.00 horas. 

O Concello pretende, deste xeito, facer partícipes aos máis novos destas Xornadas da Centola, permitindo ademais que teñan actividades especiais nunha data entre festivos. Convídase a todos os pais e nais a que acompañen aos rapaces á Casa da Cultura para gozar deste evento. 

Previsións

As XIII Xornadas da Centola rematarán o vindeiro martes, 8 de decembro, cun acto de recoñecemento aos mariñeiros xubilados. Será ás 12.30 horas na Sala das Cunchas da Casa do Concello e nese mesmo acto entregaranse os premios do Concurso da Centola Viva, do maratón centolográfico e do picoteo de centola. Tamén se lle entregá a Cáritas do recadado na poxa das centolas.


Todas las noticias