Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello recibe unha nova subvención para a mellora do mercado municipal

Neste caso concedeuse unha axuda para a consecución de mercados de excelencia.

A Consellería de Economía, Emprego e Industria da Xunta de Galicia acaba de concederlle ao Concello do Grove unha subvención dentro das axudas destinadas á consecución de mercados de excelencia. Trátase dunha achega de 34.449 euros para a mellora da calidade e imaxe do mercado municipal que, dun xeito máis concreto, deberán destinarse ao pintado total da zona interior do mercado.

Procederase ao pintado total do mercado e a colocar paneis que corrixan a zona superior deste espazo e que melloren a súa imaxe. O custo total da obra é de 49.212,96 euros, sendo a diferenza desta asumida polo Concello. Lembramos que esta subvención se une á outorgada para a creación de espazos de emprendemento que serán situados neste mesmo mercado e cuxas obras comezarán nos vindeiros días. 


Todas las noticias