Saltar al contenido

Esta web solo usa cookies propias técnicas, necesarias para su funcionamiento. Las estadísticas de visitas son anónimas y no usan cookies. Más información en nuestro aviso sobre cookies.

Aceptar

O Concello do Grove presenta no FIO novo material promocional

Trátase dun segundo folleto con elementos naturais que se centra nos Miradoiros do Grove.

Continuando cos traballos de mellora do material turístico do Grove, estes días comezará a distribución na Feira Internacional de Turismo Ornitolóxico que se celebra en Cáceres dun folleto promocional centrado nos Miradoiros da vila. Trátase dun tríptico que continúa a liña marcada polo realizado en torno ao turismo termal. Nese caso o folleto incluía unha cuncha de vieira natural no seu interior mentres que, no relativo aos miradoiros, as persoas que os reciban atoparán o paúlo (acícula) seco dos piñeiros do Grove.

Agárdase que este novo material consiga unha boa acollida, dando a coñecer os nove miradoiros cos que conta a península do Grove. Puntos con vistas tan atractivas como a que se presenta dende a Pedra Cabaleira no alto do Monte da Siradella, o Miradoiro do Con da Hedra ou co valor histórico do Miradiro da Figueira do Meco. O folleto tamén inclúe imaxes do Miradoiro de Punta Moreiras e o da Pantoeira, na praia da Lanzada, ao tempo que facilita a posición de GPS para poder achegarse aos restantes.

Desde o Concello do Grove estase realizando un particular esforzo na renovación do material promocional turístico xa que non se contaba con elementos actualizados. Deste xeito, ademais dos dous referidos sobre termalismo e miradoiros, a Oficina de Turismo do Grove conta cunha guía sobre os Camiños que pasan pola vila “O Grove nos camiños de Santiago”, ou as guías dos roteiros históricos. Especialmente importante foi a actualización dos planos de rúas do Grove que se empregan como base para informar os visitantes que se achegan á Oficina, dos que no ano 2017 se distribuíron máis de 10.000 unidades. De cara á temporada estival estrearanse novos elementos que permiten contar con material tanto para a atención directa dos visitantes como para a súa distribución en distintas feiras e eventos. Ademais do FIO, o Grove acudirá da man da Mancomunidade do Salnés a eventos de promoción en Portugal nas vindeiras semanas.


Todas las noticias