O xurado do II Concurso de Pintura Ernesto Goday preselecciona vinte obras para a exposición

Fecha: 2014-11-21

•  A esta segunda edición do certame presentáronse corenta e cinco obras
• O gañador ou gañadora ditaminarase a primeira semana de decembro

O II Concurso de Pintura Ernesto Goday contou cunha importante participación. Un total de corenta e cinco artistas procedentes de diferentes lugares da xeografía española presentaron as súas obras nesta segunda edición do certame.

O xurado está formado polos profesionais do mundo da arte:

·         Josebe Arrillaga Chopitea, doutora en Belas Artes.

·         Clara María Martínez Vindel, licenciada en Belas Artes.

·         Menchu Outón Argibay, licenciada en Belas Artes.

·         Jose Ángel Rodríguez López, Gogue, debuxante.

Os membros do xurado preseleccionaron vinte das obras presentadas, as cales formarán parte da exposición que terá lugar durante todo o mes de decembro na Sala das Cunchas da Casa do Concello e do Catálogo 2014 que se editará con motivo do concurso.

De entre esas vinte obras preseleccionadas decidirase a gañadora deste concurso, que se dará a coñecer, xunto co nome do seu autor ou autora, a primeira semana de decembro.