III Concurso Fotográfico A Muller Traballadora

Fecha: 2010-01-22

A Concellería de Igualdade e Benestar acaba de presentar as bases deste concurso, que se encadra dentro das actividades que está a programar para o Día da Muller Traballadora.

Preténdese que este ano o tema das fotografías sexa máis aberto, sen cinguilo exclusivamente á muller traballadora no Grove, para incentivar deste xeito a participación de persoas de fóra da localidade.

Os premios serán de 300, 200 e 100 euros, para o primeiro, segundo e terceiro, respectivamente.

A foto gañadora empregarase para o cartel da programación dos actos do Dia da Muller Traballadora deste ano.

O prazo para presentar as fotografías remata o mércores 18 de febreiro.

Bases do III Concurso Fotográfico A Muller Traballadora